الجمعة 15 أبريل 2022
تعال شوي وكلمني بصراحة، ممكن تخلي فلوسك عند السايق؟
وإنت، تعالي شوي وكلميني بصدق، ممكن تخلين مجوهراتش من ذهب وألماس وساعات ثمينة مع العاملة المنزلية؟ تخلينهم عندها بغرفتها ليلة وحدة بس؟
أكيد راح تقولون، مجانين مخبلين نخلي فلوسنا ومجوهراتنا مع السايق أو مع العاملة المنزلية، أكيد ما راح نستأمنهم عليهم.
وإنتوا في الواقع، أغلبكم قاعدين تسوونها، بدراية منكم أو من غير دراية، بقصد أو من غير قصد.
لما تخلون عيالكم، اللي تقولون أنهم حشاشة جوفكم، وفلذات أكبادكم عند الخادمة طوال ساعات النهار، وفي الليل تخلون الرضع منهم ينامون عندهم بغرفهم، ولا تدرون وش قاعد يصير فيهم.
أو تتركونهم بعهدة السايق، يروحون ويردون وياهم بلا رقيب ولا حسيب، فأنتون قاعدين تخلون الأغلى من مجوهراتكم وأموالكم بيد السواق وعاملات المنازل.
الحياة صعبة، ونحتاج فيها إلى يد ثانية تساعدنا، فالمرأة تعمل خارج البيت وداخله، وتوسعت المنازل، والعوايل ما عادت ممتدة مثل قبل، وكلنا بحاجة إلى العمالة المنزلية، لكن بشرط مراقبتهم، أو نخلي عليهم عين ثالثة من لحمنا ودمنا تراقبهم.
خلونا نوعى، ولا نكون جزء من الجرائم اللي قاعدة تصير للأطفال من اعتداءات جسدية وتحرشات جنسية.
ومثل ما تخافون على أموالكم ومجوهراتكم خافوا على عيالكم.
الجمعة 15 أبريل 2022
تعال شوي وكلمني بصراحة، ممكن تخلي فلوسك عند السايق؟
وإنت، تعالي شوي وكلميني بصدق، ممكن تخلين مجوهراتش من ذهب وألماس وساعات ثمينة مع العاملة المنزلية؟ تخلينهم عندها بغرفتها ليلة وحدة بس؟
أكيد راح تقولون، مجانين مخبلين نخلي فلوسنا ومجوهراتنا مع السايق أو مع العاملة المنزلية، أكيد ما راح نستأمنهم عليهم.
وإنتوا في الواقع، أغلبكم قاعدين تسوونها، بدراية منكم أو من غير دراية، بقصد أو من غير قصد.
لما تخلون عيالكم، اللي تقولون أنهم حشاشة جوفكم، وفلذات أكبادكم عند الخادمة طوال ساعات النهار، وفي الليل تخلون الرضع منهم ينامون عندهم بغرفهم، ولا تدرون وش قاعد يصير فيهم.
أو تتركونهم بعهدة السايق، يروحون ويردون وياهم بلا رقيب ولا حسيب، فأنتون قاعدين تخلون الأغلى من مجوهراتكم وأموالكم بيد السواق وعاملات المنازل.
الحياة صعبة، ونحتاج فيها إلى يد ثانية تساعدنا، فالمرأة تعمل خارج البيت وداخله، وتوسعت المنازل، والعوايل ما عادت ممتدة مثل قبل، وكلنا بحاجة إلى العمالة المنزلية، لكن بشرط مراقبتهم، أو نخلي عليهم عين ثالثة من لحمنا ودمنا تراقبهم.
خلونا نوعى، ولا نكون جزء من الجرائم اللي قاعدة تصير للأطفال من اعتداءات جسدية وتحرشات جنسية.
ومثل ما تخافون على أموالكم ومجوهراتكم خافوا على عيالكم.
أحدث التعليقات