السبت 09 أبريل 2022
ساعات تقول بينك وبين نفسك، لو كان فلان أغتم جان واجد أحسن وارحم له وارحم على الناس من لسانه، مع احترامي الشديد لفئة البكم المنزهين عن أمثاله.
البعض ما يوزنون كلامهم، ويجرحون في خلق الله ويحرجهم، ويمكن بعد يقلب عليهم مواجع يحاولون ينسونها أو يتغاضون عنها.. كلامهم مثل السم وجنها سجاجين تنغرس في قلوب من حولهم، مثل اللي يرمي سهم ويقتل فيه ويمشي عنه ولا دره فيه.
ترى الإحساس بالغير نعمة، ومن الخُلق العظيم.. شنو راح تستفيد إذا احرجت واحد قدام الناس وسألته ليش ما عندك أولاد؟ وشنو راح تستفيدين اذا سألتي بنت متأخرة عن الزواج متى راح ترتبطين وتتزوجين؟ وليش تسألين أم فاقده ولدها هو شلون مات؟ وين كنتين وقتها؟ وكأن لو كانت موجودة بتوقف عنه ملك الموت وبتمنعه من أخذ روحه! يكفيها ترى ألم ووجع فما له داعي لأسئلة لا بتودي ولا بتجيب، لكنها بتترك وجع في قلوب ناس يمكن يأخذون وقت عشان ينسونها، ويمكن بعد ما ينسونها ابد.
احفظوا السنتكم.. ولا تتدخلون في خصوصيات غيركم.. أوزنوا كلماتكم قبل لا تقولونها.. يا تقولون خير ولا اسكتوا أحسن.. وما له داعي للتجريح ولا الإحراج.. وإياك… وإياك تحرج أحد عشان غيرك يضحكون وتطلع فيها إنك خفيف دم.
ياسمينة: يقال لا تسأل المرأة عن عمرها.. ولا تسأل الرجل عن راتبه.
السبت 09 أبريل 2022
ساعات تقول بينك وبين نفسك، لو كان فلان أغتم جان واجد أحسن وارحم له وارحم على الناس من لسانه، مع احترامي الشديد لفئة البكم المنزهين عن أمثاله.
البعض ما يوزنون كلامهم، ويجرحون في خلق الله ويحرجهم، ويمكن بعد يقلب عليهم مواجع يحاولون ينسونها أو يتغاضون عنها.. كلامهم مثل السم وجنها سجاجين تنغرس في قلوب من حولهم، مثل اللي يرمي سهم ويقتل فيه ويمشي عنه ولا دره فيه.
ترى الإحساس بالغير نعمة، ومن الخُلق العظيم.. شنو راح تستفيد إذا احرجت واحد قدام الناس وسألته ليش ما عندك أولاد؟ وشنو راح تستفيدين اذا سألتي بنت متأخرة عن الزواج متى راح ترتبطين وتتزوجين؟ وليش تسألين أم فاقده ولدها هو شلون مات؟ وين كنتين وقتها؟ وكأن لو كانت موجودة بتوقف عنه ملك الموت وبتمنعه من أخذ روحه! يكفيها ترى ألم ووجع فما له داعي لأسئلة لا بتودي ولا بتجيب، لكنها بتترك وجع في قلوب ناس يمكن يأخذون وقت عشان ينسونها، ويمكن بعد ما ينسونها ابد.
احفظوا السنتكم.. ولا تتدخلون في خصوصيات غيركم.. أوزنوا كلماتكم قبل لا تقولونها.. يا تقولون خير ولا اسكتوا أحسن.. وما له داعي للتجريح ولا الإحراج.. وإياك… وإياك تحرج أحد عشان غيرك يضحكون وتطلع فيها إنك خفيف دم.
ياسمينة: يقال لا تسأل المرأة عن عمرها.. ولا تسأل الرجل عن راتبه.
أحدث التعليقات